Lontar Sanghyang Aji Rajapeni
OM Awighnam astu nama siddham
Iti Sanghyang Aji Rājapeni, nga, tutur pawlas (panlas?) ing uttama, wĕnang ingangge de sang lĕwih, minaka nātha ning kalĕpasan, kawruhakĕna, Ongkāra pitu, dadi sapta Ongkāra, matĕmahan sapta janma, ndya ta lwirnya, sânakta papāt, haryari, bhanah, gĕtih, yehñom, mwang Sanghyang Bapa, Hyang Ibu, miwah rāgane. Malih sânake papāt, yehñome maharani i bhūta preta, gĕtihe ngaran i bhūta Rudira, banahe ngaran kāla, ari-ari aran ḍĕngĕn, dadi Anggapati, Mrajapati, Banaspati, Banaspatirāja. Mwah dadi Korṣika, Garga, Metri, Kuruṣya, dadi sang sedarasa, sang seda ṡakti, sang ratu māsdwindĕng, sang ratu haji putra putih, dadi catur loka phala, nga, dadi sanghyang lĕbuh, ring sanggar kamūlan, ring dalĕm kahyangan, ring watu karu, Hyang ring lĕbuh ring ḍaḍa sthāna nira, kamūlan ring bāhu kiwā, watu karu ring bāhu tĕngĕn, dalĕm ring tulang gihing, yan ring jro ning ṡarīra, lĕbuh ring papusuh, kamūlan ring hati, dalĕm ring babwahan, watu karu ring ñali, catur dadi tunggal, malih ring madhya, ring pagantungan ing hati, dadi Ḍukuh Jumpung ngaran sang ra Mpu Rāgarunting, ring iḍĕp pasuk wĕtunya, mṛtanya ring cantel ing lidah, ṡakti paḍa ngrākṣa jīwa, uttama, malih dṛṣṭa nira ring hati, anrus ring hĕndih ning netra, ingkāna sira parama ṡakti dahat. Muwah kajātyan ing Hyang Tri naḍī ring ṡarīra, lwirnya, iḍā, pinggala, suṣumnā, iḍā hati mawak Ongkāra, Pinggala ampru mawak Ongkāra, suṣumnā ajñāna, mawak ê-kāra, dadi windu, kalinganya, ê-kāra patĕmwan ing Ongkāra. Kunang Wayawanya (=awayawanya) ring ṡarīra juga, Hyang Bapa ring hati prĕṇahnya, Ki Lĕngĕng ing rāt bhuwana ngaranya, kadi sindhu ngaranya rā warṇanya, Brahmā mūrti ning bhanā, boddha ṡuddha ya, sāgara wenya, akṣaranya Ongkāra, swaranya Ang, pasuk wĕtunya ring iḍĕp, mawak sakala. Hyang Ibu ring ñali prĕṇahnya, nirangkus ratna ngaranya, kāya slake (salaka?) hajur warṇanya, Wiṣṇu mūrti bhanā, Ṥiwa Buddha ya, dadu wenya, bhūh loka swarganya, Jambawan kawahnya, akṣaranya Ungkāra, swaranya Ong, pasuk wĕtunya ring bāyu, mawak niṣkala, rāgane mungguh ring gaḍing ing papusuh, Ki Tutur Mȇngĕt ngaranya, hȇndah swaranya, Iṡwara mūrti ngkāna, nātha ratu ṡuddha ya, anghing mṛta sañjiwani wenya, ṡūnya loka swarganya, pāwāka kawahnya, akṣaranya Mang. ṡūnya swaranya, ring urung-urung gaḍing pasuk wĕtunya, mawak i sakala niṣkala, ikā mānuṣa ṡakti, nga, mawak i rare angon, anindak hala hayu, nyata ṡarīra nira waya ya, ya tattwa ya, ya uttama ri ṡarīra.
Mwah yan amrĕsiha, iḍĕp sanghyang Ongkāra atĕmu lāwan sanghyang Ungkāra, hati lāwan ñali patĕmunya ri pântara ning papusuh, dadya kukus, kukus ikā dadi mānuṣa ṡakti haran Ki Gutung Mȇngĕt, raris ka usĕhan, turun ka sla ning lalāṭa, rūpa kadi sla ning lātri, yan katon pwa samangkana, ikā brĕsihakĕna mĕtu weda, ma, Om Hyang Ṥarayu Saraswatī sindhu hamunyam Ah jöng, raris sânake kon abrĕsiha, mĕtu weda, ma, Om Ung Ah namo siddhyam, ṡuddha jīwa mahā bharam, wus mangkana wantunakĕna unggwanya sowang-sowang, mwah yan katĕka ning māsa mulih ring niṣkala ȇndah ring niṣkala hana tĕngĕranya ring ṡarīra, ṡūnya ring ṡarīra, iḍĕpa ngawang-ngawang, amangan tan parasa, Sanghyang Mrĕtyuñjīwa maparĕk ḍatang ngalap huripa, Sanghyang Mrĕtyuñjīwa mungguh ring lidah, ngaranya Ki Mungampung, tunggangan Sanghyang Yama, yan ya wus mangkana, rĕgĕpan citta nira ṡūnya ya praṇawa, pĕgat tṛṣṇānta ring sakala, daṡȇndriya hulyakĕna ri papusuh, bāyu kiwā mulih maring ñali, bāyu tĕngĕn mulih ring hati, bāyu mantara mulih ring papusuh. Wus mangkana patĕmwakĕna yayah lāwan ibu, Ongkāra lāwan Ungkara, agni lāwan bañu, hati lāwan nyali, dadi kukus, pasukĕna ri pântara ning papusuh, dadi ātma, asana ri madhya, dadi sūkṣmâtma, hana mārga ri sla ning ḍaḍa, mĕnĕng ring windu, padma wrĕdaya, masȇrṡanya rasana katon mamet kadi weni pinara tĕlu göngnya, ya tuhutakĕna, mulih ring niṣkala, mārga hasunutan, nga, mārga loka mĕnga, mārga byomāntara, nga, mārga Rangkesari newek, madoh ikang kawah, kukusnya nora marĕki, mārga humungsi, catur loka dibya lwirnya, catur, 4, loka, swarga, dibya, lĕwih, 4 ikang lĕwih, minaka deṡa nira wĕnang, suloka, bhuh loka, mahā loka, ṡūnya loka, unggwanya ring kidul, uttara, paṡcima, pūrwa, ya ta wĕnang maka deṡa ni pitara nira, nyata iḍĕp umungsyakĕna ri jñāna, siddha ṡuddha sakāma-kāma, wĕnang sira ganal alit, apan ṡīrṇa ikang daṡȇndriya ri ṡarīra, wruha sira mulat ning hala hayu, wĕnang sira nyakra wrĕtti ring rāt. Mwah yan sira apti mawāsa rūpa nira ganta, kāyȇki rasa krama nira uttama, sakadi pāti ngaran ing yoga, lĕsukĕna praṇawanta, untu bahĕm, paḍa ya juga, mlĕtugakĕna hod (hol?) ning lidah atĕp Sanghyang Saraswatī miruhur tĕkȇng sor, wus mangkana ngȇkacitta, lwirnya, Sanghyang Ṥambhu mulih ring Wiṣṇu, Ṥangkara mulih ring Mahādewa, Rudra mulih ring Brahmā, Mahȇṡora mulih ring Iṡwara, mwah Iṡwara mulih ring Wiṣṇu, Mahādewa mulih ring Brahmā, Brahmā Wiṣṇu mulih ring Ṥiwa, Ṥiwa dadi iḍĕp ning baṇacintya, iḍĕp mijil dadi ārdhanarȇṡwarī, mulih ring wurub (urub?) ning netra kalih, nga, Sanghyang Haji pangawasan, wus mangkana iḍĕp sūryanta môrup lāwan sūryane di bhuwana agung, mantra pasalah, ma, Om Ang Rāditya Wrĕdaya ya namah, wus mangkana dĕlĕngĕn sor i rāditya ring gagana, wyatara sagula dohnya sakȇng tĕpi ning rāditya mingsor, kumĕrab netra, manah haywa sarag, yan hana katon maudĕran irĕng patĕngahnya pĕṭak, ya Sanghyang Ajñāna hĕning mijil mangwayang. Mwah yan katon dadi sindhu Saraswatī, ya ta Sanghyang Ibu mijil manglayang, yan hana katon sumorot teja prabhānya, ya ta dewa nawa sanga mijil maleyang, abāng nira Hyang Brahmā, kuning ira Hyang Mahādewa, irĕng ira Hyang Wiṣṇu, putih ira Hyang Iṡwara, pĕlung ira Hyang Ṥambhu, gaḍang ira Hyang Ṥangkara, tangi nira Hyang Rudra, dadu nira Hyang Mahȇṡora, pañca nira Hyang Ṥiwa, paḍa mijil sumorot maleyang. Muwah yan hana katon kadi anak-anakan gaḍing kāya sotha ya kāla lātri, ṡarīrane mijil maleyang, mānuṣa ṡakti ikā, ki tutur mȇngĕt, yan ya wus mangkana, malih wantunakĕna gĕnahnya sowang-sowang, haywa kôrup rasa nira juga.
Iti Haji Saraswatī, nga, kawruhakna Hyang Saraswatī munggw ing ṡarīra, mwah pasuk wĕtunya, lwirnya, Sanghyang Saraswatī matĕguh ri cantel ing lidah, nga, Sanghyang Mareka, panĕrusanya ring otot kabeh, ikā Sanghyang Saraswatī, nga, kunang prĕṇah i akṣara kabeh, HA, ri tĕngahi nābhi ri padma ikā, NA ri pusĕr, CA ri caṇṭik, Ra ri smara, KA ri kaṇṭa, SA ri suku, WA ri Madhya, LA ri lidah, MA ri muka, JA ri gulu, BA ri lāṭi, TA ri netra, NGA ri hirung, PA ri bāhu, DA ri ḍaḍa, JA ri tangan, YA ri alis, NYA ring papusuh.
Mwah bhūṣaṇanya, taleng ring sarwa mĕnga, tĕdong ring wening, ulu sāri ring usĕhan, ulu pĕpĕt ring pabahan, ulu candra ring tulang igā, cĕcĕk ring lalāṭa, ulu niccha ring pahĕlĕtan, surang ring kalong, wisah ring gigir, suku kĕmbung ring wĕtĕk batis, rĕrĕ ring silit, guwung ring wĕtĕng, nanya ring lambung, tĕngĕnan ring ṡabda, carik ring iḍĕp, pamada ring papusuh. Swara ning pamada kadi swaran kisik-kisik weṇi, swaran carik kāya-kāya pañjĕrit ning sata, mūlyanya ring akṣara ṡwalalita, kalinganya tiga wijil ikang ṡāstra kabeh, mijil ring cantel ing lidah, mingluhur, hana hanĕngĕn ṡwalalita ngaranya, kāyȇki akṣaranya, ANG AH, mijil ring kiwā, modre ngaranya kāyȇki mijil ri cantel ing lidah, wrehastra ngaranya, ha na ca ra ka, mwah ikang ṡwalalita dadi Ongkāra, modre dadi Ungkāra, wrehastra dadi windu, kahanan ing ṡwalalita ring hati, modre ring ampru, wrehastra ring cucupu. Mwah ṡwalalita hurip ing akṣara, modre pātyan ing akṣara, wrehastra patĕngahi akṣara, kalinganya, wrehastra winarahan i mrĕcapada, dūk pasah ira Sanghyang Ongkāra, jīwa langgĕng, dūk patĕmwan ira Sanghyang Ongkāra, adumuka, patibā nira kalih ring sor, ri cucupu maṇik, ri luhur, ri windu rahasya muka, atĕmu, lunghā jīwa nira. Iki adumuka, nga, patĕmwan ing Sanghyang Ongkāra kāyȇki ṡāstranya, ¿ ¿ Á ;¾ ¿þ ¿ö ¿ , dūk pasah Sanghyang Ongkāra, urip rwabhineda, nga, ANG AH, patěmwani rwabhineda, kāyȇki rasanya uttama, Á , patĕmwan i daṡâkṣara, kāyȇki uttama, ÿ ¿mwah swaranya kadi swaran gni ö ¿ý ¿Á ;¾ magöng, angin magöng, sami tunggal swara kadi gĕrĕh, iki ṡāstranya, panunggalan ing ṡabda, tri mayā, nga, swara ning apuy, ANG, swara ning bāyu, UNG, swara ning angin, AH, swara ning pamada kadi swara ning bhramara ngisĕp sāri, kāyȇki ṡāstranya, ö ;¾ panunggalan ing rwabhineda, swaran ȇka mayā, nga, swaran carik kāya panyĕrit ning sata, swara mayā rawwa, nga, swara ning swalalita kāya swara ning madhubrata, kadi swara ning pakṣi udhan, swara wangwang, nga, lĕwih ikā, harang wong wikan, swara ning adumuka kāyȇki, OM UNG MANG, dūk atĕmu swaranya kāyȇki, OM OM MANG, pâwakanya ANG UNG MANG, panunggalanya ANG AH, pralīnanya ö ¿0 ¿º ṡūnya mijil ka tĕngah, dadi ardhanarȇṡwarī iki.
Malih OM UNG MANG hyang bapa hyang ibu, matĕmu bapa lāwan ibu, dadi mānuṣa ṡakti, nga, ki tutur mȇngĕt, nyata rāmane tan payayȇbu, awak ndātan pâwak, uttama ning uttama, ṡarīra nirawayawa, arang wong wikana, janma sulakṣaṇa roro nora wikan, sawijya lamun awruha, apang singhide Sanghyang Licin, ya ṡarīra sāri ning kumuda, kṛṣṇa, ikā mawak tuduh, mūla ning jāgra turū, mūla ning pāti urip, hanindak hala hayu, swarga mwah kawah, Ongkāra mūla ikā, ikā mūla ning wong, kâbhyāsa manah juga, tuwi ya tattwa ya, aywa wera nglompati lāṭi, pāpa sira, pitara nira ring kawah dlāha, mwah yan tan wera nitya siran nĕmu swarga pitaranta, salahane ring sakala, tĕka ring niṣkala anĕmu hayu, dakinya paḍa supat, mandadi mīna uttama. Anghing den mawās pasuk wĕtunya ring bhuwana alit, den mawās rūpanya ri jaba mwang ring jro, haywa samar, silunglungĕn satata, mangkana aywa anglompati wĕkas ing akṣara iki.
Iti Aji Saraswatī, nga,
Kawijilan ing Sanghyang Rājapeni, ring dina, bu, u, wara, ḍukut hamanakĕna juga aywa wera hima, mwah Hyang Rekatiti jāti, nga, mawak tuduh, hana surat i walung kapāla, kāyȇki rasa nirawayawa, lwirnya, walung kapāla ri tĕngĕn, kāyȇki ṡāstranya, eöoø ¿ yÉ ¿ , kapāla kiwā kāyȇki ṡāstranya û ¿o ¿ø yÉ ¿ ¿ ring arĕp iki ṡāstranya, ý yɱ ¿ ¿ mÉ º ¿ ¿ ring uri iki ṡāstranya, sà¡ º ¿o ¿ø yÉ ¿ ¿. Malih surat ing walung kapāla pinggala, hala hayu ning mānuṣa, mangkana niṣṭa Madhya uttama, lwirnya, kang niṣṭa kāyȇki ṡāstranya, 3 ¿ ¿ \Ñ ¿ ¿ o ikang madhya iki ṡāstranya ý ¿Á ¿ ¿ikang uttama iki ṡāstranya ¿.¿ phalanya yan niṣṭa reka ning walung kapāla pinggala, lara surat mangkana, saparanya nĕmu durbala, yan ing madhya reka surat ing walung kapāla pinggala, hala hayu pinangguh de ning mānuṣa mangkana, yan uttama surat ing walung kapāla pinggala, hayu mānuṣa mangkana, saparanya ton rahayu, dīrghâyuṣa mangguh bhukti, kasaputan ing akṣara sādhu, dewa masiha phalanya. Mwah yan sira wruha ikā, Sanghyang Kṛta Kuṇḍalini, ngaran ira, mungguh ring tungtung ing iḍĕp, surat nika tri naḍī, catur lokapāla, nga, ne hanurat walung kapāla pinggala, nga, Sanghyang Mareka, mungguh ring sla ning hati, ngaran ing surat walung pinggala ikā, tri wikrama, nga, ring pacampuhan ing bhūta mānuṣa lāwan dewa, ikā kayatnakĕna rasa ning uttama, haywa samar, simpĕn ring jñāna sūkṣma, haywa wirah (wineh?) ring wong lyan, rĕbah ṡāsanan ira wĕkasan, yan langgĕng pwa denta rinangsuki sūkṣma, rahayu tang rāt suka wīrya tan hana duhka. Malih pidartanya walung, nga, tulang, pinggala, nga, gidat, pinggala ring jro ning nyali, nga, tulang ikā pan hana suratnya, surat ning tulang gidat, haywa wera mwah bucecer, ila dahat, rāja, nga, ratu, peni, nga, pangangge de ning lwih. Mwah pañca wikrama, nga, pustaka jāti, nga, takĕpanya pañca lalima, Brahmā Wiṣṇu maka takĕpanya, Mahādewa maka lontar, Iṡwara maka ṡāstra, Ṥiwa maka talinya, yaya ngamong ṡarīranta.
Nihan tingkah ing kamantyan, kalĕpasan Jong Biru, nga, haywa wera uttama dahat, gung harganya pamārgin ira, ji gung artha, 90 000, 9000, samangkana uttamanya, iki pawisik yan sira katĕka ning kamātyan, ne ajak māti nyamane, nga, Sang Sedarasa, Sang Seda Ṥakti, Sang Ratu Māskwindĕng, Sang Ratu Aji Putra Putih tur adan i memene di swargan, yadyan adan i bapane apang tawang; i meme i tañjĕk, nga, i bapa i maṡruh, nga, paḍa magĕnah di bolong langite, disampingnyane awake, i jontol, nga, lamun māti orahang awake ngalih i meme, ngalih i bapa, tur alih nyamane makĕjang, ne matakon sane ngisi sūryane adane i kirit pugĕr, ne matakon durian, ne ngisi bulane, adannyane i pita tukuping jīwa, ĕnto ne ingĕtang, awake i jontol, nga, aywa wera bwat upadrawa sira.
Iki kawruhakĕna, ātmane matinggal, rāganta anĕmu dalan apaḍang, song papusuhane matĕp ka tulang gihinge, ĕnto ane yogya ambahin, iḍĕp awake kĕma lakuna, ĕnto ne tuhut, ngamĕnekang tĕrus ya ka gumi patimah, usĕhan tĕka ning sĕlagan alis, mĕtu ikā ka tungtung ing pandulune, ikā mārga lĕngut, nga, norâna wong wikan samangkana swarganya ring indra bhawana, meru tumpang sanga, ĕnto gĕnahnya.
Mwah pangĕmpungan kawah, nga, yan māti salah para amangguh pāpa, kawruhakěna, kawah ring ṡarīra, yan ya wruha těmahan swarga, yan lwih doṣanya, syangolas dina mungguh swarga, tumurun malih mangjadma, yan nora madoṣa, sanga atus amangguh swarga, malih tumurun anjanma, suka sugih subala wīrya.
Mwah yan katĕmu alas agöng, ya teja ning akah rambut, yan katĕmu gunung ya teja ning akah alis, yan katĕmu tĕgal panangsaran tan sipi weranya, tan sipi dalĕmnya mwah panasnya, tan kĕnȇng lampahin, ikā tĕgal panangsaran, nga, ya teja ning pipi lāwan kulitnya, yan katon taru agung tĕngah ing tĕgal, akweh ātma sor ing taru, ya ingaranan taru curiga, ya teja ning bulun mata, yan katĕmu pangkung jurang, ya ngaran sumur māti, ya ikā teja ning song hirung, yan katĕmu rejeng masilak masiluk ya teja ning song kuping, yan katĕmu wat ugal-agil, ya watu kumalaṡa, nga, mwah titi gonggang, ya teja ning caṇṭik kakulungan, sor lāwan luhur, mwah sor ing lidah. Yan katĕmu dalan agung, pinarigi watu putih, ya teja ning cangkĕm lāwan untu, raris katĕmu Bhaṭāra Yama, awarah lāwan ātma, ikā kawah ri ṡarīra, haturakĕna lāwan Bhaṭāra Yama, Sanghyang Manadi (Yamadi?) pāti ring cangkĕm luhur, Bhaṭārī Durga mungguh ri cangkĕm sor, Sang Jogormaṇik mungguh ri hulun kulungan, Sang Ghora Wikrama mwang Kāla Upatha, mungguh ringan kiwā tĕngĕn, Sang Surātma mungguh ring kuñcit, ikā ngaran kawah, yan karasa ikā Bhaṭāra Yama nuduh mārga, tur maweh gĕnah ring swargan kilape. Wĕnang cai ditu magĕnaha, apan māti salah dalan, meru mās matumpang sanga matatah ĕmās, majlijih korinya wĕsi salah ukur, limang tahun lawasnya mukti swarga, malih tumurun anjanma abala rong lakṣa, tuhu pangawaki sang dharma lwih, mangkana uttamanya ri wĕkasan haywa wera pinghit tĕmĕn uttama dahat, tĕlas.
Nihan tatasakĕna, pasuk wĕtu ning gunung ri ṡarīranta juga, yan ring papusuh tĕrus ring ṡiwadwāra, mahāmeru gunungnya, Iṡwara Bhaṭāranya, tamanya warāpsarī, buronya lĕmbu, dadarinya Suprabhā, istrī hayunya Dewī Suprabhā, Sang akṣaranya, dinanya ra, u, uripnya 5, dwārawatī deṡanya, bhagawānya Indraloka, prabhunya Kṛṣṇa, mangkana lwirnya, pratatā ni istrī uttama, kweh ing rāganta juga. Yan ri paparu tĕrusnya, ring ghrāṇa, malyawan gunungnya, Mahȇṡora Bhaṭāranya, sakṣari tamanya, gajah buronya, Mahādewī istrīnya, Na, akṣaranya, dinanya, wra, urip 8. rūm kang deṡanya, mahā cakru bhāwanya, brāhmaṇa wĕtunya. Yan ring hati tĕrus ring karṇa, sumnā gunungnya, Brahmā Bhaṭāranya, sampora tamanya, macan buronya, pramiṡwarī istrīnya, bhagenda tamanya, Bang, akṣaranya, ṡa, pa, dinanya, urip 9, kadiri deṡanya, kṣatriya wĕtunya. Yan ring waduk tĕrus ring usus gung, nīlakaṇṭa gunungnya, Rudra Bhaṭāranya, botrawi tamanya, rākṣaṣa buronya, putri istrīnya, tohok dadarinya, Indrapraṣṭha deṡanya, bhujangga wĕtunya, Mang, akṣaranya, dinanya, a, urip 3. Yan ring ungsilan tĕrus ring alis, thalahulu gunungnya, Mahādewa Dewatānya, taman binotrawi, dadarinya sulasih, istrīnya hayu, nama tīkṣṇarĕngawati, mĕkah nagaranya, paṇḍita wĕtunya, Tang, akṣaranya, bu, pwa, dinanya, urip 7. Yan ring lima (limpa?) tĕrusanya ring lidah, harjana gunungnya, warāpsarī tamanya, Ṥangkara Bhaṭāranya, singha buronya, patukaswari istrīnya, singhasari deṡanya, palalĕngĕng wĕtunya, Ṥi, akṣaranya, dinanya mĕnga pĕpĕt, urip 2. Yan ring ampru tĕrusanya ri tinghal, hantalaga gunungnya, Wiṣṇu Bhaṭāranya, tamanya lĕngkapura, buronya wuhaya, istrīnya paranthanaji, deṡanya purobhayā, wĕtunya prabhu, akṣaranya, ANG, dinanya, ca, wa, urip 4. Yan ring inĕban tĕrusnya ring rambut, gunungnya humbĕl, Bhaṭāranya Ṥambhu, tamanya wisyasari, buronya Garuḍa, deṡanya rĕmbat gandha kawana, wĕtunya nāda ri gagarmayang, akṣaranya, WANG, ṡu, urip 6. Yan ring pagantungan hati, gunungnya hargamaṇik, wĕtunya Bhaṭāra Guru, tamanya gĕntĕr, buronya wĕmana, istrī hayu saptasari, deṡanya mayasari, ING, akṣaranya, pṛthiwī dadosnya. Yan ring pagantungan ing papusuh, gunungnya mahāmeru, tamanya tlagawaja, buronya mateya, akṣaranya, YANG, uripnya 1.
Mangkana katuturanya kabeh, mārgani mulih, mari deṡa pangaran i ṡarīra, sahana ni istrī hayu, mārgani ṡabda mañjing AH, ārdhanarȇṡwarī nāmanya, tĕlas.
Mwah uttama ning sĕmbah, yan anĕmbah pitra pūjā, yan ring dewa kāyȇki rasanya, lwirnya, agni tibȇng banyu, dadi kukus ing ajñāna, tibā ring tutud, ri pântara ni graghula, dadi mānuṣa ṡakti, mawak iḍĕp, wus mangkana raris takupakĕna tanganta kalih, bungkah ing sĕmbah Hyang Bapa, Madhya ning sĕmbah Ibu, tungtung ing sĕmbah mānuṣa ṡakti, isi ning sĕmbah Hyang Mareka, mungguh ring puṣpa sāri, sang sinĕmbah hamor ing Sanghyang Ongkāra, Ongkāra ṡūnya, wyatara dwadaṡânggula dohnya, sangkȇng puṣpa mwang kawangen, sane sĕmbah mānuṣa ṡakti mawak iḍĕp, dūk anĕmbah kāyȇki wedanya, ma, Ong Yang Ang Ung Mang tri bhaktyan ṡuddha siddhyam prayojñānam, tĕlas, ping tiga kang sĕmbah, puṣpa sapisan, kawangen sapisan, ṡūnya sapisan, wus mangkana wantunakĕna gĕnahnya sowang-sowang, siddha bhakti prayajñāna. Mwah yan anginum tīrtha, ñĕntakĕna tĕkȇng tri maṇḍala, yan ya nginuma ikang tīrtha hana surat ing lĕpa-lĕpan i tangan kalih, jāti munggw ing lĕpa-lĕpa ni tĕrus ring tungtung ing surat pagĕlangan tangan, inumakĕna ikang toya, kang inum tutugakĕna tĕkȇng tri maṇḍala, tĕmwakĕna mrĕta ri jaba lāwan ri jro, dūk anginum, ma, Om amrĕta sañjiwani ya namah swaha. Dūk makire aturū, ma, Om mandi rākṣâtma jīwa ya namah swaha. Dūk atangi, ma, Om Sanghyang Parama Ṥakti ya wiṡeṣa mĕkar ṡaktyam. Dūk lunghā mĕngamĕng, ma, Om anyjajahnya tĕlas.
Mwah yan arĕp anguṣadhā ni ṡarīra, kawaṡa, yan ring brāhmanñane sakit, pet gawwaka ṡarīrane, gĕnahang ri dalĕmi karang Samādhi, wus mangkana jĕmak Sanghyang Rāmahaji, ri pântara ni untĕk, gĕnahang ring urung-urung gaḍing, yakĕn nguṣadhāni, syapânggĕh maka uṣadhā, hana bañu lwah putih, rūpanya, mĕtu saking pöh ni urung-urung gaḍing, ya anak Sanghyang Rāmahaji, Sanghyang Sutâcintya, nga, ikânggen maka uṣadhānya, apan Sanghyang Rāmahaji mânak Sanghyang Suta acintya, nghing yan anguṣadhāni mayoga mamuṣṭi, paḍa mpuni hasta kalih, madhūpa, malungguha ṡarīra, unggahakĕna kang kôcap ring arĕp, wus mangkana iki muni iḍĕpakĕn sambil mayoga, tiwakĕna ri Sanghyang Suta Acintya, wus ikā tibākĕna ri sang kauṣadhānin, iki warahnya, ma, aweh kanan labuh, kȇri madahi, aweh, kȇri labuh kanan madahi, wah ah 2, astu 2. tĕlas. Iki tapanya angangge pustaka kalimôṣadhā iki, kady angga pajĕnĕngnya tapa ikā, abrĕsih den apuput, ngangge sarwa putih, raris mamona, tan kawaṡa muni yadyan rahina wĕngi, pĕpĕt pisan, tan kawaṡa ngucap ring wong len, yan tingkahnya mangana angkĕn sore sapisan, sari-sari kweh ikang sĕkul, sakĕpĕl masirat candana, mawadah don andong, marajah kāya iki kāla das amangan mabrĕsih den apuput, sari-sari ri kāla ngarĕpin bhoga, mamuṣṭi tan pabāyu iḍĕp mĕtwakĕn rāmanya sakȇng pântara ning untĕk, amārga ring urung-urung gaḍing, wus mangkana, wĕtwakĕna ñamane sane paling kĕtut ki Masrĕddha, mĕtu wwang saking dalĕm ing mūlādhara, yan ya suba paḍa mĕtu rāmanya gĕnahang ring tĕngĕn, ki masrĕddha mungguh ring kiwā, sira mungguh ring gidat, wus mangkana iti iḍĕpĕn, dase amangan, ma, Ah, cĕcĕk, suka ya meru tunggal, tunggal merunya, ya tumpang paparu, paparunya, ngyĕh, tĕlas.
Mwah yan ing wus aturū, iti warah iḍĕpakĕna, ma, ih bapa mwah ñaman ingsun masrĕddha, bhedhakaniri, pamungkus ning mata dwa. Malih wahu matangi, iki warah iḍĕpakĕna, ma, ah rāman ingsun Bhaṭāra Um Sanghyang Aji Tunggal, mwah aringsun masrĕddha, lot pĕgĕng ṡūnya katara suwung, aweh pakanira sĕmbah katara ya, tĕlas.
Tunggal mabrĕsih iki warah, iḍĕpakĕna, ma, kĕmbang tan bheda kĕmbang, Wiṣṇu kaliman Tanana tulalining pĕtĕng māti buṣayat kaligamanā, tĕlas, ikā kȇngĕtakĕna pôlahnya mangkana, haywa lupā sari-sari, 30 hari, tūtĕn kadang ngūni tingkahnya mangan, lyan ri sĕkul ikā tan kawaṡa kabeh tĕkani ginĕlĕd widha tan kawaṡa, haran phalanya, mwah yan wus ta salah ikang tapa, anggawe sasayut, kusuma brata tarpaṇa, nga, sasayutkĕna, nghing yan angangge pustaka kalimôṣadhā iki, haywa maweh putra, pinghit juga den akĕkĕs, haywa hima.
Iki Pustaka Kalimôṣadhā Putih, nga, maka leb-leban ing bāyu, saking rāga waluya yan ngangge pustaka iki, haywa bĕñcah, pinghit juga den apĕnĕd, yan nora mangkana duḥka phalanya, mwah māti sasigar tan pôlih dalan, yan ya māti. Mwah yan apĕnĕd ngangge akṣara iki, dahat hayunya, iki ngarani mārga twi, pilihana, yan angangge ṡāstra sanga, iki leb-leban ing bāyu, saking rāga waluya, nghing rĕngwakĕna den apĕnĕd, iki maka tuduh ni pustaka kalimôṣadhā putih, tilikakĕna ṡarīranta rumuhun, iki, nga, tĕlik prabhā kalima sundari, kady angapa jĕnĕngnya, lah iki pustaka kalimôṣadhā putih, maka warah sang ngangge akṣara putus ing iki sane mangaran tĕlik prabhā kalimo sundari, pirĕngwakĕna den ahayu, yadyan agring akuru, pitwi nora gring, yadin matĕngah pañakitnya, yan mature prāyan sumirĕp, yadyan humuni ototnya marasa pakrĕpĕt pakĕtip, wusnya muni mĕtu miñak ri bulun mata, mwah ring pāda marandhus karasa tininghalan, nika tĕngĕranya māti malih abulan, mwah yan karasa pakĕḍut ri gĕla macakĕp ikā tĕngĕran māti malih kalih puluh dina, mwah yan pakĕḍut ring takĕpane putih, tur marasa sĕmutan pakĕḍap, ikā tĕngĕran māti malih pitung hari, yan marasa manis akĕḍap karasa ri tungtung i lidah, tur ṡūnya hati sakĕḍap, kalih mĕtu bañu putih ri kakolong ikā tĕngĕran māti beñjang, samangkana pratekane tĕlika ring ṡarīra, yan ing wus mangkana, kawruhakĕna ane pacang angge, yan ing pustaka ṡuci kalimôṣadhā, ṡāstra sanga maka dagingnya, yogakĕna ṡāstra sanga, wus ayoga, lĕbakĕna bañu ikā, iki leb-lebanya bāyu yan angangge ṡāstra sanga bāyune di dalĕm pakrangan ñen adanya Ki Salamastyakṣa, nga, ñen ditu, Ki Salamat gaḍing, kija apulang, ka mārga tĕlu pulang, wus mangkana malih bungkah maka roro tĕka ning bāyune di mārga tĕlu Ki Bāyu ambun adanya, ñen ditu, Ki Salamat cĕnting adanya, kija kapulang di dalĕm ing talaga Ṥiwa, wus irikā malih bungkah maka trīni tĕka ning bāyune di talaga Ṥiwa, Ki Bāyu pĕti adanya, ñen ditu Ki Salamat upruk adanya, kija mapulang, ka Ongkāra lima pulang, wus ikā, malih bungkah maka pātpāt, tĕka ning bāyune di Ongkāra lima di jro ning Ongkāra nĕm ditu, Bhaṭāra Ṥiwa tunggal, yan wus irikā kija pulang ka swarga udyāna jāti pulang, tĕlas.
Yan wus tĕka ring katĕkan pralaya, Bhaṭāra Hyang Ṥiwa tunggal, matĕmahan bapanya twi, Ki Salamat Gaḍing matĕmahan dalan hayu, Ki Salamat Cĕnting matĕmahan widyādhara, Ki Salamat Upruk matĕmahan widyādharī, mangkana tingkah ing wwang angangge ṡāstra sanga, kady aturut pĕjahnya, phalanya, tĕka ring swarga udyāna deṡanya, yadyan sakârĕpa, māsa tan swarga tĕmunya, nghing yan ngangge ṡāstra sanga, tur puput denta angĕlesan ing bāyu ri ṡarīra mangkana, malih dwa puluh hari tĕka ning swarga udyāna deṡanya, apan mangkana tingkah ing wwang, angangge ṡāstra sanga, isi ning pustaka ṡuci kalimôṣadhā, nghing swarganya tan wangde tĕmunya juga denya, yadin sadenya angĕreh maphala juga mangke, tan bisa pāpa, swarga juga ya.
Iti Buddha kacapi, nga, maka isi ning pustaka kalimôṣadhā cĕmĕng, nghing yan angangge iki tan sipi mala ucap ing kari, ikā kady angapa, yan mĕsat sakȇng rāga waluya, tan sah hamutah mahisi aningkah hamĕngkang, mwah hambit kalaṡa, mangkana pĕjahana, phalanya sadina tĕka ri swarga udyāna deṡanya, sakârĕpa milihi swarga apan irikā kaputusane meru mās tinumpang wala awĕgung, mangkana kāraṇanya mangaran pustaka kalimôṣadhā cĕmĕng, sahanak sômah sang ngangge pustaka iki, tan bisa pāpa, swarga juga ya, nghing maka umurnya, haywa ingangge ṡabda nora, apan mangkana wwang angangge isi ning pustaka kalimôṣadhā cĕmĕng, ne mangaran Buddha kacapi.
Iki wawisikan ing bāyu-bāyu, yan angangge Buddha kacapi, iki rĕngwakĕna, ne mangaran bāyunta, sane di dalĕm ing Ongkāra lima, Bhaṭāra Hyang Ṥiwa tunggal, nga, ikā bungkah rumuhun, pulang ka lĕmah pakarangan, yan wus irikā kȇngĕtakĕna babungkahanya, mwah papulanganya, kāyȇ ngūni, nghing haywa salah, ingatĕr bāyunta ikā, ne di dalĕm ing Ongkāra lima, Bhaṭāra Hyang Ṥiwa tunggal, juga anggen pangatĕr, maka pamuput, leb nikang bāyu, haywa ingambah ne rumuhun, ri sĕla ning lalāṭa ambahĕn yan hana pĕluh putih mahambu harūm ikā dadari lotama, nga, tūtana karon mĕtu, nghing Buddha kacapi iki, yogakĕna rumuhun, wus mangkana kĕlesakĕna bāyunta. Mwah iki warah saking dalĕm, iḍĕp habuakĕna dase amungkah bāyu, tas kapātyan, nga, iki uninya, ma, Tabe Sanghyang Limuh bāyu hadam kapadawak, gra tĕka paḍa māti papitu, tabe sĕmbah hulun iki,
Iki Aiwer, nga, maka pawintĕnan urip tĕkȇng kapātyan, ikā yogakĕna, dase ayoga mabrĕsih, ngangge sarwa putih, tingkahe mabrĕsih manūt dina sapta wara hayu, angangge dakṣiṇa lĕkasakĕna muṣṭi, paḍa ĕmpu ning tangan kalih, tuntung ing lidahe atĕpang ka Ongkārane nungsang, dakṣiṇa mwah dhūpa ikā, paḍa gĕnahang bilang samping, wus mangkana iḍĕp muni ya warah ikang Aiwer, ma, Tĕk 2x, bapa wangke, kapatawu sĕmbah ning ṡāstra sanga, tulung rāma Buddha, Buddha lĕs, syapa pun ewer, tĕlas.
Mangkana kȇngĕtakĕna yan kāla ning hulan rame, irikā tabuhakĕna, nghing iḍĕp ing wwang angangge warah ikā Aiwer, tĕlas.
Iki Pustaka kalimôṣadhā, nga, maka isinya, ne mangaran ṡāstra sanga, Sang, Jwang, Pu, Spa, Ta, Na, Lum, Sĕr, Ti, iki maka isi ning pustaka kalimôṣadhā cĕmĕng, Swang, Jwang, pu, spa, ngkā, ta, na, lum, asan, dha, mār, leb, wak, sĕr, tĕs. Iki akṣara maka ulon-ulon sang māti, unggwakĕna ri bade, suratakĕna dharañcang, iki suratanya, manahastra wak : Œ ¿, ¿ e kÙ± ™ ¿ ¿, ¿ r$U¾ ¿, ÿ ü™ ;¾ ¿i ¿, ¿ e yɱ ™ ¿o ¿ø ¿, ¿ nÉ ¿ ¿, ¿ ¿ Zéÿ ¿, ¿ të*¾ ¿, ¿ eLÿ ;¾ n) ¿, ¿ú ™ ¿ú™ ¿ ;¾ ò ) ;¾ ¿.
Pangimpas watangan pĕngit mwah pangarūm-arūm, ṡa, bĕras kuning, lĕngis, uyah arĕng dadosang asiki, sambĕhang ring watangane, mantra ping tiga, iki mantranya, Om, swarangku mandi urip, mĕtu ambu mĕrik sumirik, Ah 3x, Ih 3x, Om 3x.
Iki ngaran hasti Ongkāra, maka uloni sang māti, ṡa, dharañcang taru, suratakĕna de ni mangsi, lumbange sacĕngkang midĕr, iki suratanya : pi ¿, ¿ kø ¿, ¿ m ;¾ ¿, ¿ bu ¿, ¿ mu lø ;¾ ¿, ¿ m wi ;¾ ¿, ¿ ´ s ¿, ¿ n ¿, ¿ nÓ$¾ ¿ ¿, ¿ ¿ m ¿, ¿ n&¾ ¿, ¿ ku ¿, ¿ lø ¿, ¿ j ;¾ ¿. ¿ tĕlas maka sasalah anurat artha, 1700, sagĕnĕp ing sasantun, kadi tingkah ing dakṣiṇa agung, bĕras 2 catu, klapa gĕndis sarwa wīja tĕgĕp, wus anurat, dhūpakĕna, wus mangkana raris takĕpakĕna ri ṡiwadwāra sang māti.
Om Awigham astu.
Iki kaputusan Māsgandhapura Pĕṭak, nga, tingkah amrĕsihin ṡāstrane ring takĕpan putih, nghing kawruhakĕna rumuhun kang inaranan ṡāstra ri takĕpan putih, mwah aran ing takĕpan ing putih, ikā kawruhakĕna, aplĕkutus kweh ikang ṡāstra ring takĕpan, tigang daṡa , ring prabon tangan, mwah haran ing takĕpane ring sor pisan, bhūmi pakarangan, nga, iki ṡāstrane ring tĕngĕn ¿ ¿ , ne ring kiwā ¿ndi unggwanya ngaran bhūmi pakarangan, ri dalĕm ing asĕm-asĕman ing suku kiwā tĕngĕn, ikā bhūmi pakarangan, nga. Malih ne di duhuran, bhūmi patah, nga, kiwā tĕngĕn, iki ṡāstranya ring tĕngĕn, ne ring kiwā ṡāstranya malih duhuran bhūmi mĕdhang, nga, ne ring tĕngĕn iki ṡāstranya ne ring kiwā bhūmi pakerot, takĕpanya iki ṡāstranya ¿, malih ne ring prabhon tangan tĕngĕn bhūmi pātāla, nga, takĕpanya iti ṡāstranya sane ring prabhon tangan kiwā bhūmi sartali, nga, takĕpanya iti ṡāstranya ÿ , inan limane inaranan prabon tangan, malih sane duhuran ikā ring matan hastane tĕngĕn, bhūmi pakĕmis, nga, takĕpanya iki ṡāstranya , sane ring kiwā bhūmi kĕris, nga, takĕpanya iki ṡāstranya ¿, malih ring sasanggan tĕngĕn, bhūmi maṇḍala, nga, takĕpanya iki ṡāstranya ¿, sane ring kiwā bhūmi mandi latha, nga, iki ṡāstranya , malih ne ring cangkĕlakan tĕngĕn, bhūmi sakatal, nga, iki ṡāstranya , ring kiwā bhūmi matahal, nga, iki ṡāstranya malih sane ring pahige-igelane tangan bhūmi hambidhah, nga, iki ṡāstranya , sane ring kiwā bhūmi ambhidadhasih, nga, iki ṡāstranya , malih mulih ring sor sane ri prabon ing suku tĕngĕn, syapa arane takĕpan ikā, bhūmindhali sarayu, nga, iki ṡāstranya ¿ sane ring kiwā bhūmi bhurhunup, nga, iki ṡāstranya , mangkana padarta takĕpan putih, jāti iki maka ngaranya, mwah yan ayoga, mrĕsihina ṡāstrane kabeh, sakȇng sor jĕmak rumuhun, gĕnahang ring kuṇḍi mayā-mayā, syapa ngaran kuṇḍi mayā, hana pramāṇa putih cĕnik kadi jawa sanunggal, matĕmahan dadya wwang lare, sang kĕtil mayā-mayā, nga, gĕnahnya ring kuṇḍi mayā-mayā, ring sĕla ning mata ring dalĕmnya ya ngaran kuṇḍi mayā-mayā, irikā unggwan sang kĕtil mayā-mayā, mwah syapa pramāṇane putih ne mangaran sang kĕtil mayā-mayā, ṡāstrane pinih wayah, ikā sang kĕtil mayā-mayā, nga, ya kon amrĕsihin ṡāstra kabeh, sane ri takĕpan, apan ya maka brāhmaṇan ikang ṡāstra ri dalĕm, mwah añĕmak ṡāstra kabeh, sane munggw ing takĕpan, mangaba ka kuṇḍi mayā-mayā, kija ambahang, ka pañcȇndriya ambahang, lamakanya tĕka ka pañcȇndriya, nghing yan jĕmak mayoga haywa mabāyu, amāti ṡarīra, tur madhūpa, 4, gĕnahang bilang samping, iki warah iḍĕpakĕna anggen gañjaman ṡāstrane kabeh, nghing alungguh mamuṣṭi angghrāṇa tiga Ṥiwa, iki warahnya, ma, sangbhun malaku samba hayahkun; atiti ya pañcȇndriya, ya tĕmpatakĕna ring kuṇḍi mayā-mayā, yan wus tĕka ṡāstrane ka kuṇḍi mayā-mayā, tangenana sang kĕtil mayā-mayā, iki warah iḍĕpakĕna, ma, ah, tabe kasĕmpĕnan pangeran, sastu pambayun, waraha gĕnta tikĕl brĕsihakĕna paḍa potrakane sang mahā brāhmaṇa, ambi 3x, Ṥiwa malatrayā, boddha tĕlas. Wus mangkana mwah mayoga angghrāṇa tiga Ṥiwa, sĕpyakĕna bāyunta den apĕnĕd, iki warah iḍĕpan ing ring ayoga, maka pabrĕsihan, ma, ah, tabe kurungan, na, puṣpa prayaṡcitta, ca, dwai lĕmat alumnya, ra, tanah masakya, ka, kandhahasarta, kĕmbang, da, kuṇḍiku mahamalap, ta, ulah toya rūm, pa, kĕtis dwāra ṡiwa, wa, sira mbitĕsakĕna, la, pucut puci nilam, ma, mahalma ulah, ga, gangga inum ya, ba, sĕtamang luy, nga, kori jamya, pa, tĕk waharmalimah, ja, wimanta namāsta lumā, ya, pretilap mulih ya, nya, waluy tunggal say a, tĕlas.
Mwah yan kālanta mayoga saṇḍingakĕna toya ri sibuh cĕmĕng, saha sĕkar putih, wus ayoga toyakĕna ṡarīranta, tĕkȇng anak rabi luwehakĕna toya ikā, apan uttama dahat, haywa wera rahasya tĕmĕn, kaputusan Aji Māsgandha Pura Pĕṭak, nga, maka pabrĕsihan takĕpane ring dalĕm ṡarīra, apan iki kaputusan palaku māti, tan kĕnȇng pāpa, tur agöng phalanya, tan sipi ȇman panugraha maka pabrĕsihane ri dalĕm.
Mwah yan amrĕsihin wangke, anyakĕh, amukur, pitra sahana ning pitra lukat malih maring swarga udyāna, apan iki maka rĕnĕk ing Aiwer, anghing den apĕnĕd angangge ṡāstra iki.
Iki Pūjā Smara ngaran, yan mânak-anak māti, iki pangurip rare iḍĕpakĕna, dase matĕmu, ma, bañu smara, mĕtu sakȇng unggwan takĕpan putih, wāṡa tumĕnga, tĕlas. Yan sira mahyun siddhi mantra, abrĕsih sira rumuhun, angĕn-angĕn den ahĕning, haywa pati rĕngö-rĕngönĕn, mwang ṡabdanta liyĕpakĕna, tinghalta haywa kumĕḍap, kañcing bāyunta, simpĕnakĕna tĕlĕng ing iḍĕp, yan sampun tĕlas iḍĕpta magĕnah ring tĕlĕng ing iḍĕp, yan sampun tĕlas buddhinta katon pwa ṡarīranta mwah unggwanta, anarawang katona ṡuddha tan patĕlĕtĕh, kadi pwa dīpta katon denta, yan mangkana katon, ya acintya, nga, yan katon ring tĕlĕngnya ya kadi wulan pūrṇama wahu mĕtu, apaḍang ṡūnya nirmala, ya Paramaṡiwa, nga, yan katon samangkana, tan kĕnȇng ila-ila, mwah ṡabda hala, yan tĕka ning pralaya swarga juga katĕmunya, uttama lwih, putus ing yoga, nga, larangan iki, apan drĕwen sang mahā putus, don ira putus ing sandhya.
Iti tutur hayu, dūk ing bhūmi Sumĕdang rauh ring Maspahit, mwah ring Bali, katĕkȇng mangke, Sanghyang Iṡwara ya mawak I Kulisah, ya ikā wĕkas ing sĕmbah, tinūt de sang putus, ya muji Bhaṭāra mwang asthiti bhakti mangasthiti, nga, tan pĕgat bhakti, nga, sĕmbah awake, yan samangkana, iku kawĕnange pinuju de ni Bhaṭāra, nga, Sanghyang Wĕnang, iti muninya, angadĕg pāda suku karo, ma, tabe aku i masbhum, haras tungtung ing tangan ping 3, iḍĕp angaras i masbhum, raris malungguh maṡila, tunggal iḍĕpe ring hati, iḍĕp Sanghyang Ibu Pṛthiwī ring bungkah ing rambut, ya dadi kawun tras, Bhaṭāra Guru ring tungtung ing rambut, yaya hĕning ing buddhi, taḍah tanganya mamuṣṭi, angghrāṇa praṇata, iḍĕp Brahmā mĕtu ring hati, Wiṣṇu mĕtu ring ampru, ngganya ring tungtung ing ghrāṇa, Bhaṭāra Guru mĕtu saking mūla kaṇṭa, gĕnahang ring sĕla ning surata, ĕnto ya sane kasĕmbah, Hyang ning kasĕmbah, tan kĕna sinĕmbah, ada bhūmi ṡuci, komala wintĕn, ya gĕdong maṇik, nga, ĕnto tongos danene, di pĕswan danene ngambah ka pusĕr langite, lamun kakĕṭi ri dane, pane dadwa ṡrayanin, ne bĕsik ya sĕmbah, I Kulisah awaking, ya anggon kakĕṭi lĕmah pĕtĕng, iḍĕp mamarĕkan ring Bhaṭāra Guru, iki muninya, Brahmā Wiṣṇu sākṣyang bhaktingku ring Bhaṭāra Guru, bapa guru tunggal, tĕrus ing bhaktingku ri Sanghyang Siddhi, manunggalang bhaktine, haja mangasi unggwanya, bĕnĕr ring ṡiwadwāra, Om Pāduka Hyang Tattwa Paramȇṡwara I Pramȇṣṭi sĕmbah tanghulun kulisah ya namah Ṥiwa ya, Om ṡūnya sūkṣma tattwa Hyang Ṥūnya ya, tan hana lwiha saking waneh, sāri ning puṣpa tan alwĕs, nga, makĕmbang manah, maṡabda buddhi nirmala.
Iti Paṡocan ring ṡarīra, tĕka ning niṣkala ñamane ring rāga, mandus maṡuci, ya brĕsihin dumun, adanña Sang Sedarasa, Sang Seda Ṥakti, Sang Ratu Māskwindĕng, Sang Ratu Aji Putra Putih, ya tindihin apang saja, mungpung ĕnu idup, yan ri tĕka ning pāti, Sang Sedarasa dadi mārga hayu, Sang Sedaṡakti dadi widyādhara-widyādharī, Sang Ratu Māskwindĕng dadi swarga, Sang Ratu Aji Putra Putih dadi Bhaṭāra Guru tunggal, yan tan wruha ya manadi kawah.
Iti tutur Sang Sinuhun Kidul, mānuṣane kadi tuñjung, bunganñane pusĕr langite, mānuṣane wikan ring awake, maka bunga manahe, madhune asthiti, wangine bhakti, nga, Hyang ni kasĕmbah ṡūnya ning buddhi lwih, wineh manunggal ing rasa, tan kawinoran, wĕnang pinuji ri Bhaṭāra, bunga ciriyang sĕmbahe iku, nga, lwih sang paṇḍita, cirinñane mĕkar, tunggal isine. Mwah ikang buddhi brahmara, utusan Sanghyang Lwih, angisĕp madhune, uni ning gĕnta ya ngaran kumbang, maciri suba kĕmbang wangine, utpatti Sanghyang Dharma ring buddhi rahayu, nirmala muka, nga, makoñci ring prucut, satwi Guru Ṥiwa, nga, yadin bhakti kewala, yan mawruha ri tatā ning rāga mwah kaputusan kabeh, ya dadi pakȇling upĕti sang upĕti, tunggal panunggal i rasa, ya lwih sādhu rasa.
Wisik tan kakehan rasanin, ya atĕmahan kĕnȇng pāti, nga, panĕlas ing iḍĕp, mungguh ring tungtung ing rasa, mārganya ring usĕhan, ṡabdanya sĕr, manuju meru matumpang sawĕlas, inayap de ning widyādhara-widyādharī, Tanana walyan janma mwah.
Iti pāti kalāwan hurip, Sanghyang Sūrya lanang, Sanghyang Wulan wadon, yan ri tĕka ning pralīna, Sanghyang Sūrya wadon, Sanghyang Wulan lanang, tunggal Sanghyang Sūrya lāwan Sanghyang Wulan, manunggalnya ring watu gumantung tan patali, irikā katon kawah lāwan swarga, jāti ning lwih urip ing manah, ikā gugwana juga.
Nihan wisik mārga larangan, arang wong wikan ring dalan rahayu, ring katĕkan pralaya, mārganya ring usĕhan, tĕrus ri pântara ning suwung, apit lĕmah, nga, kewala dinĕlĕng di iḍĕp, buddhi tunggal, tĕkȇng lĕpas, swarga lwih tĕmunya.
Iti jāti ning puṣpa tan alūm, nga, ātma, ya wit ing sĕmbah, isin awak, tungtung ing sĕmbah, nga, iḍĕp jāti ning sĕmbah, nĕmbah awaku dewek, nga, puṣpa tan alūm.
Iki jāti ning tīrtha, sane mangaran toya, yan kasĕmburan ing wudan, kadilah de ning sūrya, kasĕlĕhan candra teja, iku, nga, tīrtha mala, malanya wit ing gĕtih bañah, ya manadi toya, sangka ning tan wĕnang anggon pralīna ning pāpa naraka, ya tīrtha mijil saking plut ing watu tunggal, ne di duhur bintange, ya wĕnang anggen ngruwat mala pātaka, maka paṡocan Sanghyang Ātma, nga, pawitra, mijil saking tĕlĕng ing sāgara madhu, nga, bungkah ing Ongkāra tunggal, Ongkāra, nga, pawitra ; pawitra, nga, nirmala ; nirmala, nga, buddhi tunggal ; buddhi tunggal, nga, pawitra tunggal buddhi, ya inaranan swarga lwih, rahasya tĕmĕn, iti pabrĕsihan sang wawu rawuh.
Iki Sanggah ring rāga, gĕdong maṇik marahab wintĕn, babaturan mās maukir tongose di bhūmine ṡuci, ada watu dadwa, to pañawangane kasuhun kasĕmbah, sahi-sahi, keto anake bhakti maguru, di dase pulĕs, yan hana katon galang, ĕnto ne kasĕmbah, yan maudĕran buka matane, ĕnto ne mañumbah, mwah yan hana katon pakrañab kadi bintang, ĕnto cāyān Sanghyang Urip.
Iki Wisik Kalĕpasan, tatĕngĕr rāga, yadin tĕlas sukune katon pĕgat, tur ring kiwā tĕngĕn, mwah ri tangan kalih, pĕgat tĕkȇng pagĕlanganya, ring jro suwung karasa, yan samangkana agyā sira agĕlar pamingmĕti bhūṣaṇa, haywa tṛṣṇā aja wĕdi, ṡūnya ni manah ginuhya apadu tunggal, mȇngĕt juga, iki warah iḍĕp, ih kurung batang bhūmi ṡuci, gĕtih dadi kamaṇḍalu, i sanumaya dadi haji putra Bhaṭāra Guru, swarga lwih tĕmunya, pinghitakĕna, jah tasmāt.
Iki Kalĕpasan tan palĕkas, anghing siddha rasa ṡūnya, siddha āmbĕk wiṡeṣa, ratu buddhi uttama, ratu ning haji tunggal, yan wus tunggal pandulu tan pangrĕngwa, tan hana lwih ta saking rikā, Sanghyang Janur Mĕnĕng, nga, patitis mañjing ring iḍĕp, iḍĕp mañjing ring manah, Tan ana padma ring manah, swarga ning swarga lwih tĕmunya, Tan ana maḍani lwih, ya lwih, nga, kewala urip buddhi twi mȇngĕt, poma, rahasya tĕmĕn.
Iki ñamane ring rāga, utusan Bhaṭāra Guru, manggawenang salah bikase dini, i sugyan manggawe paling, i yabra nggawenang mokak, i kered ya manandanang, i yalang manggawenang pāti, i bagya managihin buddhi wiṡeṣa, i bowes guyon ing mangadwang, yan harĕp buddhi rahayu, i kulisah kukuhin, ya ñamane pitwi ajak mamarĕkan ring Bhaṭāra Guru, ĕnto ya marowang di mātine, yan ing bĕnĕh pangungsine rahayu, yan ing pĕlih to sing ja ñak ngaku ñama, twara ada manangguh ātmane, kasĕrahang ka kawahe, kakĕdekin ñamane, 4, pabaliha ātmane kasakitan, ambol to jātine, ne sĕḍeng asthiti bhakti, sĕḍĕng tindihin, jah tasmāt, haywa wera.
Iti tutur jāti ngaran, dūk kari di Majapahit, sira Dalĕm Palinggih, arĕp wruha ri jāti ngaji ṡabda tunggal, tinañanan ri sang wiku mwah ri sang paṇḍita, sakaṭahe sang wruha ring ceṣṭakāra, sama tinakonan, ling sang wiku mwah sang paṇḍita samyan, nora wruh ing jāti ning hai mangkana, ikā ingaranan tanda tunggal, ling paṇḍita, hana sang kaler hyang dibyacakṣu pasang haji, makakĕpih, nora wruh ing jāti haji ikā, ling sang kaler ri dalĕm palinggih, singgih kasihan sang sinuhun kidul, dane wruh ring mūla ning haji ikā, pininang ḍatĕng sang brāhmaṇa suta haji, ring sthāna palinggih, cĕngĕng saha sthāna nira, wahwa bhūṣaṇa ning rĕṣi haji, ling Dalĕm Palinggih, singgih kasihan sang sinuhun kidul, dane wruh ri jāti ning haji ṡabda, tunggal, kasihan sang sinuhun harĕp wruha ri haji ṡabda tunggal, ling sang brāhmaṇa sunu, singgih wruh Dalĕm, ri mūla ning haji ikā, sira sang sinuhun alinggih tan môlah, tinghal bĕnĕr waneh ri pangucap, tinuduh tinghal tinūt, de nira Dalĕm Palinggih, mata long tinghal ira Dalĕm, katon sang sinuhun kidul ring awang-awang anunggang angsa, tinghal ira Dalĕm tĕrus maring sapta pātāla, bolong tinghal ira, katon sang sinuhun kidul anunggang nāga bhūmi, mwah tinghal ira ring ākāṡa, tĕrus maring bhūmi maṇḍala, sapta langit, katon tang dewatā de nira Dalĕm Palinggih, tingkah ing dewa dewatā maka sih sama muji Bhaṭāra, mangiṣṭi bhaktine dūk ing urip, ikā katon sang sinuhun kidul, sarĕng i kulisah, waspada de nira Dalĕm panonton, mwah brata ni dewa dewatāne, ling sang brāhmaṇa rĕṣi, mapa jĕnĕk panonton ira Dalĕm, singgih kasihan mawruh tinghal ing dewa dewatā, tuhu wĕnang paṇḍita lwih, bisa doh lāwan amarĕk, durung puput Dalĕm, ikā mukya ning haji ṡabda tunggal, pamĕdahne, yan wus tinghal kaḍaton, kadi sang haji, sangkane ingaran Sanghyang Licin, wite jawa môlih maring patapan, dadya wruh ri ṡabda ni sarwa tĕgĕs ing ṡabda tunggal, sakarĕngö de ni pangrĕngö, sahorti karĕngö de ni pangrĕngö, kadi lĕmah twi, mangkana putus ling ning haji ṡabda tunggal, dadya mȇrang sang kaler, luware nora luwar, lumaku bĕnĕr wetan, sawatara sanganglaku saking sthāna nira Dalĕm Palinggih, ilang tan pajamuga, salawase, wĕkasan hana wrĕta katĕkȇng Majapahit, sang kaler ring Bali, pinuji de nira Dalĕm ring Bali, ri swȇccha pura, siddhi yoga japa mantra, inanggĕh guru loka, pĕsengan ira sang wawu rawuh, mangkana jāti ning wrĕta katĕkȇng Majapahit.
Iki tĕgĕs ing rāma reṇa ring jaba, bhūmi ākāṡa, wus pṛthiwī jāti mānuṣa, pṛthiwī daging kulite ĕnto, kayu jāti tulang jajahe, latā wat basange, gĕtih bañune, bāyu angine, ākāṡa jātine awang-awang, teja daging kulite, mata, nga, rāditya, gĕtih, nga, bulane bāyu, nga, bintang rāma reṇa ri ṡarīra, winarah kalĕpasan, ibu pṛthiwī, nga, bungkah ing rambut, rāma ākāṡa tungtung ing rambut, siddha ning rambut tungtung ing ṡūnya, ya ikā tinuju tan palĕpas, sādhu manahe tan iwang tan gingsir, tan bisa pāpa, rahasya warah sakȇng Dalĕm, arang wong wruha ri pawisik iki.
Nihan kĕmbang ri rāga ṡarīra, nābhi sor, wit ing tuñjung, nābhi tĕngah bañun tuñjunge, nābhi luhur urip ning tuñjung, akah wat awake makĕjang, don tuñjunge, bikas awake bungan tuñjunge, rasa ȇnak tan pȇnak, wit i rasa sor ing pusĕr, urip ing rasa ri luhur, yan ring tĕngah gĕnah bacin, ring sor gĕnah rasa, ri luhur pakumpulan ing rasa, wĕtu saking iḍĕp dana, nga, ibu dhana wit ning pangan kinum, pangan kinum wit ing rasa lĕga, wit ing ajñāna, nga, iḍĕp, yan wruh ya tinuduh ikang iḍĕp, iḍĕp juga tuduh, anghing kawruha wuga ri mūla ning rasa patĕmon, ya mūla ning, Ang Ah, ikang Ongkāra ngadĕg lāwan sungsang, jāti ṡarīra juga, nga, ya patĕmon Ardhanarȇṡwarī, nga, Ardhanarȇṡwarī, nga, gingsir tan gingsir, ikā pinuji de sang paṇḍita, mwah yan sira, mangadu rasa ning pāti–urip ing rasa-rasa ning awakta tan pâwak, awakakĕna kurunganya ri pṛthiwī jāti, pitaranya hulyakĕna maring swarga lwih, tan akweh rasanya ikā muninya, ih bhur rasa nir, nirmala rasa ṡūnya mrĕta, anghing urip ing bāyu ṡabda iḍĕp, malih maring swarga ning hyang kasĕmbah sari-sari, wong anganggo iki tan nĕmu pāpa, kinĕhĕr pisan, swāmi, nga.
Iki wintĕn pasuar, nga, haji nora haji, anghing arang wong awruha, ṡukla pawitra, pabrĕsihan pawitra, pabrĕsihan nirmala, tĕka ning kaṡūnyatan ira mangke, iki muninya, tangan kalih anĕkĕp lĕmah, mwah asĕp juga, dhuh i bhūmi, wehi putra i bhūmi, paḍa i bhūmi ṡuddha maṇik, ī bhūmi rambut kawitan, lĕbur lĕtuh ing pitara sūkṣma, ṡucimuka ṡuddha ya hĕning, usapang ring rambute ping 3, mwah ring rāganta, hana pĕluh ing watu tunggal saking iḍĕp nirmala, makĕcir maka pabrĕsihan, nghing iḍĕp tan surud ngasthiti bhakti satuhuk, Mangkana tingkah ing pawitra nira sang siddha ajñāna paṇḍita.
Iki bhūṣaṇa ning mukṣah, kȇngĕtakĕna ri katĕka ning pralaya, anghing ring iḍĕp tan kawĕdar, i kulit daging, wastra, kawaka, balung hwat, salimpĕt, jamang, bañu gĕtih, padma maṇik, tĕgakin parĕk ring Bhaṭāra Guru, ya jāti ning iḍĕp, yan wong tan wruh ring ṡāstra sādhana darañcang taru, pahīngan gĕnah ning rarajahan ikā, surat de ning mangsi, kāyȇki, Tabe nghulun, ih, ku, lit, dha, ging, wa, stra, ka, wa, ca, ba, lung, hwa tsa, li, mpa, tja, mang, ba, nyu, gtih, pa, dma, ma, ṇik, tĕ, ga, kin, pa, rĕ, kring, Bhaṭāra Guru, ya jāti ning iḍĕp, raris angĕnin limanñane, phalanya, tan sasar ring dalan, macĕlĕp katĕmu mamarĕkan ring Sanghyang Kawitan ira, swarga lwih tĕmunya, sôpacāra ning wong lĕmah tan katôlih de nira Sanghyang Ātma, yadyan swarga naraka mangkana juga, anghing pilihĕn huga maweh akṣara iki, rahasya tĕmĕn.
Iki swarga ring rāga, brahmara (bhramara?) mañjingi kĕmbang, iku jātinya, bhramara awake, kumbang tan pâwak, yan wikan ri patĕmoni sūrya ṡaṡāngka, ring ndi patĕmonya, ri bhūmi mamĕnang, ring padu ning rasa, padu ning sandhi, ri sĕla ning citta, yan wikan ring para muka, ya tungtung ing ṡucimuka, lwirnya, manah pinañjing ing iḍĕp, sakĕḍap tan kȇḍĕp juga, tĕgĕs ing mānuṣa dewa, ikā mūla ning kabeh ya ṡūnya, nga, sĕla ning iḍĕp, nirmala, iḍĕpe anuju lwih, ya swarga lwih, nga, anghing ȇwuh pupulanganya, ṣaḍrasa, patigang rasa, pulung rasa, acumbana, rasa ning ȇnak tan ȇnak, ya wit ing dewa mānuṣa, yan mĕtu rasa ikā, ka, 2, ya sang pāti mwang mrĕta ning dewatā, mrĕta ning dewatā ya urip ing ātma, ya urip ing iḍĕp, ya pitara lwih, nga, asing paranta swarga lwih tĕmunya, sinungsung ing widyādhara-widyādharī, pinahayu-hayu sôpakāra ning pitara lwih, katĕmu kawitanya ngūni, rāma reṇanya mwah wayah kumpyang ira, wuyut kĕlab, wareng ira, sakȇng tuduh mārgane ri sira, mwah rūpa ning kawitanya, dewa-dewī katon nirmala muka, tar sôcapanya, rĕsĕpi iḍĕp juga, pupulan rasa ȇnak mwah mata bungah iḍĕp suka iku swarga lwih, nga, haywa bucecer.
Iti tingkah ing Bhaṭāra lwih, nga, yan nganggo ṡāstra pakȇḍĕpan, mwah kṛta pāti samaya, pirang dina pirang wulan, tĕka ning samaya ning pralaya, wruha salĕkasi pātinta, angĕreh palukunya lumpas, haswa gĕlar pakȇḍĕpan mwang sangupati dene sangkĕp, maka leb-leban bāyu alurus, den kadi ling ning haji, kaputusan, yadyan alungguh angadĕg tingkahnya lĕpas, mwah sang alĕpas katon de nikang warga, yan salah pamujinya, dūk ing urip, dudū swarga tĕmunya, yan ing bĕnĕr pamujinya dūk ing urip, tan lupā ngasthiti bhakti kawitanya, mwah paṡucyan ing yayah bibi, bhakti satuhuk, saparan kāla ning pĕjah, yadyan ahuyang ayingan, mutah mising, tiwang, māti salah para katonang kadang warga, yadyan pasah bhukti ning asu, kinĕsot ing gagan, aja ngetang mangkana, Sanghyang Kawitan ira juga tumuduh unggwan, maring swarga pitaranya, simpang ḍaṇḍa nira ngūni, yan i mȇngĕt lwih katĕmu, de ni rasa pabhoga mrĕta pitara, anghing tuduh iḍĕp juga poma.
Nihan sapa ning ngaturang saji mwah dakṣiṇa, canang gĕntĕn, maduluran dhūpa, lĕnga wangi, burat wangi, toya ri syargĕntĕn, lwirnya, tigasan sarwa gĕntĕn, tingkah ing ngaturang, niṣṭa madhya uttama, gĕnahe ngaturang ri lungguh ing ngabhakti satata, tan apilih ungguhan, kawaṡa juga, iki tabuhakĕna, duh sanghyang rambut tiga, tabe nghulun, Om sūkṣma dewa ya namah, hulun siddha hatur bhoga kĕmbang wangi, wangi tĕrus Sanghyang Lingga maya sūkṣma, gandhakṣata kusuma, gni banyu darṡana ninghulun, ṡuddha ikang wangi mari (sari?) Sanghyang Sūkṣma tattwa, Om pramȇṣṭi jāti ning sĕmbah ya namah. Tingkah ing ngabhakti rahina wĕngi, kakasang sliwah sĕlĕm putih, lantaran ring arĕpe alungguh, iḍĕp Sanghyang Ārdhanarȇṡwarī, tĕngah ing kakasang kawijilan ing saking Ongkāra ngadĕg lāwan anungsang, Sanghyang Lingga Maya Kusuma, nga, wĕtu saking ṡūnya citta, nirmala, ya iḍĕp, raris ngabhakti kāya ngūni, yan ngangge kakasang ikā, ri kāla ning wulan kaṣa, mukyani bhakti ri Hyang, mwah pūrṇama tilĕm kawaṡa, tingkahi wisik, den awruha ta sang winisikan yan wus karasa denya mangkana, iku wisik jāti tan paṡāstra, mukyan ing sangupati, nga, ikā sĕḍĕng mulati ring mūla ning ajñāna, iku yogya sĕmbah suhun rahina wĕngi, ya Tan ana mūla ning bāyu saṇḍang iḍĕp, ya tan ana mūla ning pāti urip, ndi Sanghyang Tanana, ya hana juga yan ing wikan, ya tutur bhakti, ya tutur iḍĕp, ya tutur pāti urip, mulih maring swarga lwih, tan lupā ri sĕmbah, suwung, tutur hayu, poma.
Tingkah ing rāga ṡūnya, yȇkā pralīna, yan wus tĕlas karasa uripta dase matinggal jīwanta sakȇng mrĕta bhūmi Buddha, kȇngĕtakĕna salĕkas ing wisik kalĕpasan, apan jīwanta kadi damuh ring alang-alang, yan labuh toya damuh, nga, maka tingkah uripta, haywa mȇngĕt ring saṇḍang bhukti, mwang garwa (warga?) putra, mangkana tingkah ing andungkap lwih, mwah yan amawa ruganya, yadya nora yadyapi manĕngah haywa lupā, prayatna juga ring ṡarīra, den dĕlĕng buddhinta, yan katara swara nikang agni, māti pwa kita, yan nora muni bāyu bajranta, tĕlas pwa uripta mwah tungtung i jīwa tad uminduhura, yan nora gidih pwa ya katĕka ning mangkin. Ikū tĕlik ira Sanghyang Ṥiwa Tiga, yan wus karasa mangkana, age sira paningsĕti bhūṣaṇa mwah sangupati, ndi gugwanta lagi ya tuduh ring iḍĕp, ri kāla ning ruganya, tĕka pandulame, nora sasambate, kāyȇki, duh bhu hyang kasihan, duh hyang pāduka kasihan, duh pāduka hyang rwat pātaka ning ṡarīra, tĕlas. Yan tuhu denya mangkana phalanya tan kĕnȇng pāpa naraka ring niṣkala.
Tingkah ing kadang māti, mwah yayah bibi, haywa dinalih māti, de ni mānuṣa, apa kāraṇa ning mangkana, yan dinalih denya mānuṣa, wwang anĕluh angamet uripnya, salah panuju ning iḍĕp, apan dudū wĕnang mangkana, ikā mārga ning kasasar pinaranya, wwang dinalih mangkana mwah tutur jāti ning māti saparan ing māti, ya Sanghyang Tutur mūla jāti ning urip, ya juga tujunĕn ring iḍĕp, mwah ṡabda winarah, Sanghyang mūla jāti ning urip, ya juga mamet uripta, ikā tuduh warah inucap, Sanghyang Widhi juga wĕnang malap uripta, mangkana tingkah ing tutur urip parikṣa, nga, ya tingkah ing amāti gni, nga, tan pamangan kabeh tan paturū, anghĕlĕn widu tan kawaṡa, mabrĕsih wahu abāng wetan, wus puput denya brĕsih raris alungguh ring tĕngah ing natar, mabhaktya tangan karo anĕngĕk lĕmah, iḍĕp Sanghyang Ibu Pṛthiwī mĕtu saking padmarāja, lajur tan parūpa, hĕning kadi gni tan pakukus, marūpa windu ring arĕp, ikā sapanĕn ring iḍĕp, duh, i bhūmi, brata nira māti gni, mawās hatingku i kulisah, tan salah brata panuhungku sira ibhūmi, mrĕtaniku sang rare twa, Om siddhi rastu rastu sirĕstu, tangan karo usapang ring rambute ping 3, raris nikĕl abhakti ping 4. Brata ning amūjā pitra dewa, tĕngah wĕngi abrĕsih den apuput, raris malungguh ring pangastutyan den apagĕh, amāti bāyu, kewala adĕrĕs ing hirung tĕngĕn mĕtu mili, iti munya, nip, 2, tulung hulun kapĕnĕtan hulun nyalud buddhi pĕnĕd, tumus ri kaṡūnyatan, urip ing ȇka pramāṇa, Om suka sukam jñāna ṡuklam, Om mham ṡūnyam tattwa ya namah, siddha ngabhakti kadi ngūni, tinūt tan pamangan kabeh, mwah ya bahan sĕga, 3, kĕpĕl mawadah don andong bāng, sĕkar jĕpun, sĕga ikā masirat candana, tasik putih, iti muninya, Om phat mrĕta phat ya namah. Wus mangkana kawaṡa mangan kadi ngūni, wākya brata ikā wĕnang ya ngangge akṣara iki, phalanya swarga ulah pitaranya, pāpa lakunya swarga lwih katĕmu, apan jāti ning mānuṣa jāti mulih maring wit ning mānuṣa ṡakti, wisik jāti ning iḍĕp, ÿ ¿º ¿, ¿ m ¿, ¿ú ¿, ¿Á ¿. ÿ ajñāna tĕpĕt, pinghit tĕmĕn. Ñukla brata pitara, nga, satĕngah wĕgung wus abrĕsih, den apuput, raris alungguh ring tĕngah ing paturon, saha dakṣiṇa canang burat wangi lĕnga wangi, asĕp mĕñan madhu, maka saṇḍing ing alungguh, isĕp bāyu, patĕmonakĕna Ongkārane nungsang lāwan ngadĕg, mamuṣṭi ngghrāṇaṡika, 3, duh kun mayangkun sapa kun tabe kun, ibu jagat bhūmi wĕnang, OM haswaluya sapa sopa ning pitara ṡuddha, sambega hyang pādukanam, pawitra putra mrĕta, haras ĕmpu ning tangan kalih, anghing iḍĕp angaras turū kapatĕmon ira yayah indung, raris mamona, mārga bāyu alurup, patitis ing iḍĕp lingganya tan katĕngah (katangěh?) de ning wong waneh, wus tatas dewasa ngabhakti kāya ngūni, tan pamangan tan paturū, atĕngah wĕgung, apa salah, mwah lābhanya kāye ngūni, phalanya, kinasihan de ning hyang pitara, tĕmbe, iki muni katĕmu maring yayah indung Bhaṭāra Haji Guru Tunggal, iki pawarah ātmane parĕk ring hyang mukti lwih, sing dharasaṇa (darṡana?) buddhi tĕrus, maring swarga lwih. Iki muninya, duh tabengkun ātman tuhun, siddhangkun swarga iḍĕp, tan alūm gandha wangi kusuma, pira ta manias mangke, pitara mañjing ing swarga juga den wruha tri brata mangkana de sang paṇḍita buddhi ṡrawaṇamāsa, ring pūrṇama wangun abrata, lwirnya, yan mapagĕh, kewala ring jyeṡṭa sada tan pamangan brata, ikā sama tĕkȇng waṡākha, tan alupā yoga brata, pūrṇama mwah tilĕm, ikā mānuṣa jāti yadya pisahalaja sĕmang talang arṣa, ikā mukti suka rĕṇa jñāna wibhuh mrĕta mukya ning swarga lwih, dininga lwih, tunggal angĕn ing Bhaṭāra lāwan iḍĕp matĕmu, haywa pāti aweh, sistu dahat. Brata ning amāti gni, wahwa lungguh, surat lĕmah ikā antuk tuuh(?) suratnya kāyȇki Om wangi bhukti mrĕta ya namah, muni (?) ring salwir ing haturan ri Sanghyang Wĕnang, Om gangga paṇḍita (?) nirmala ya namah, Om amrĕta ṡukla ya namah, masirat mwah anginum, sapa ning asĕp, ma, Om Yang ..ang parama hyang, hyang mūrti ning agni bañu, makukus pangulĕmi hyang hyang parama hyang tattwa ya namah.
Pabrĕsihan catur sânak, ma, ih sang catur sânak, sama abrĕsih ta ṡuci lakṣaṇa samalan ingsun, hĕning ṡarīra hĕning. Ih sang catur sânak agyā turū samalan ingsun, mangĕmit iḍĕp rahayu, hatangya ṡūnya pakwon sapalakwangku, poma. Ih sang catur sânak, amrĕta bhoga samalan ingsun, ya mūla sāri ning buddhi.
Pabrĕsihan wong wadon camah, ṡa, toya ring sibuh cĕmĕng, kĕmbang maduri bāng, dokak ning toya, ma, Om banyu rāh mūla ning rāga, rāga māti rāh māti, rāh mamāti rāga, gni mĕtu māti sulah (julah?) ing rāga ṡarīra, Om kāma urip, banyu gĕtih urip, urip ṡarīra urip, Om tabyangku jana nama Ṥiwa ya, Om paṡupati phat, ṡuddha ya nama Ṥiwa ya, siratang mwang inum, sasĕngkĕr ing campur, mangka prāyaṡcittanya, phalanya, mukṣah lĕtuh ing ṡarīra.
Panuhun sāri ning abrata, yan sang maha brata wruha ya den kadi patitis ing tinghal mwah ring iḍĕp, kāla ning amona ikang brata, winangunya ri kāla ning pūrṇama tilĕm, tinūt kang rahayu ning iḍĕp maka sādhana daluwang kĕrtas, rong jahi midĕr lumbange, surat de ning mangsi kāyȇki; , maka sasalah gĕnĕp, mwah wīja ratus tan kurang saha canang, jinah 11, dhūpa mĕñan madhu, wus sinurat, mantrakĕna ping, 21, iki mantranya, Om ṡuddha jñāna prama stutyam, lingga mukyam prama ṡucyam prama ṡucyam hyang ṡuddho dharma môttamam, ṡuddho pāpa sūkṣma yuktam. Om Ang o siwadcanam pūrṇa hyang Ṥiwa ya namah. Gĕlĕng ikang surat tinampa, tan môlah ing iḍĕp, haywa simpang manahta, yan sira harĕp wruha ring lungguh ira Sanghyang Ātma ne ring rāga, den angupawāsa juga ri kāla ning pūrṇama tilĕm, abrĕsih ta anganggo sarwa putih, alungguh ri paturon, tan katĕngab de ning wong len, maka saṇḍing ing dakṣiṇa mwang asĕp mĕñan madhu, malungguh raris mamuṣṭi, atĕpang Ongkārane nungsang lāwan ngadĕg, dĕlĕng bhūmipada maran ikā, saha ṡloka, ping, 39, kwehnya ñloka, ma, Om prajāpati ṡūnya dewam, gangga ṡuddha mahāmṛta mūlya, waranggane dewa sukam, tarta mūlya dipamtaram, ardhanareṡiwa sādhanam, loka bhaktya prāṇasthānam, mrĕtantȇng swargo pitaram, pitayyam swarga dipayet, ṡukla sukam mrĕta muktyam, sarwa pāpa nirwikāram, sarwa bandhe kleṡa pūrṇa, sarwa juti mukṣah diphat, Om Ah ṡūnya nirmala muka tattwa ṡiwa ya namah, tĕlas. Wus puput ping 29, denya nabuh ṡloka, malih iki kȇngĕtakĕna, anghing patūti iḍĕp, Sanghyang Tiga tunggalakĕna ri tungtung ing iḍĕp, lungguhakĕna ring bhūmi patĕmone ring jro, irikā tunggalakĕna Sanghyang Tiga Wiṡeṣa, iki kȇngĕtakĕna ring iḍĕp, Ah hati putih, Ah iliran ing bāyu mĕtu haris, ri hirung tĕngĕn, mārgyang mañjing mĕḍal, sa rong tabĕh suwenya, anghing kāya wong pĕjah ṡarīranta, urip ing iḍĕp juga ya urip, tan môlah iḍĕp, muni ni kāyȇng harĕp, yan asalah tĕka ning aturū malih, tunggalakĕna Sanghyang Tiga Wiṡeṣa, makumpul Sanghyang Iḍĕp, ilir ing bāyu kadi harĕp mañjing mĕtunya, yan hana cāyā katon, aja sundul iḍĕpta, wāhya nira sȇnak, iku ya guhya ni manah ikang winangun brata, ya prama (parama) lingga kâstawan de nira, wāhya ni buddhinya, hana parhyangan katon ri harĕpnya, tan sama, ȇndah warṇanya, paḍang tan paswar, hana rare cili, bāyu katon ri parhyangan sakĕḍap, katon de ning mata tunggal, yan mangkana, iku swarga ning ātma nira tĕmbe, yan katon mangkana, age sira prayatna, buwin pitung wulan mwah pitung hari, samayanta katĕkan pralaya, mwah yan sira lungguh ri kāla ning asthiti bhakti, miwah abrata, katon awak ira ri harĕp tan paṡirah, bin pitung hari samayanta katĕkan pralaya, mwah yan katon tan patangan, tan lumiwat patĕngah lek laranya tĕka katĕkan antaka, mangkana tingkahi angupawāsa, ri kāla ning pūrṇama tilĕm, yan ing suka hĕning ajñānanta rĕṇa pahȇnak tan pama (tanpopama?) amukti suka lwih, iku cihna ning uttama, ātmanta ȇsuk, tan pamangguh pāpa naraka Paramâtma ṡiwa, nga, tan kararaban de ning ātma mwah lungguh ṡiwa mrĕta, lingga Sadāṡiwa mrĕta tunggal katĕmu de nira mangke, pasalah ing abrata, mabrĕsih kadi ngūni, lābhanya sĕga kuning, 3, kĕpĕl mawadah cĕper busung nyuh gaḍing, tasik arĕng, iwak jangkrik, walang, capung, tawon, salah wiji kawaṡa, sambĕl awos, sami ginoreng, iki dīkṣānya, ma, Om Ang bhoga mrĕta ya namah swaha phat ya namah, mangupawāsa darṡana, nga, dadari yowati karma patĕmon irȇng…..anginum, ma, Om gangga mrĕta ya namah, Om lĕbur kandĕl ing hasta pādaa ṡukla ya namah. Akĕmuh, ma, Om megha hilang sūrya paḍang ngaraṇang waja ṡuddha ya namah. Anginang, ma, Om suruh ing apuh who patĕmu tiga, ṡiwa sadāṡiwa paramaṡiwa ya namah. Mabhoga tasik, ma, Om garĕm angurip rasa ya namah. Iwak, ma, Om matsya pamañjingi balung hwat daging sumsum tattwa ya namah.
Iki kaputusan Bhaṭāra Wiṣṇu, ma, Ang Ah, Ang Ung Mang, Om Ing namah, sūrya candra ya ri candram, lintang tāranggane swaha, dewa rĕṣye ya nugraha, Bhaṭāra lingganasthānam.
Ṥiwa putus ing kadharman, Sadāṡiwa amor ing dewa, Paramaṡiwa waluya Bhaṭāra sakala.
Iki Pangakṣamā ri dewa, pitra, pitara, hyang kabeh, Om, Sa Ba Ta A I Na Ma Ṥi Wa Ya, iki kuṭanya :
ÿ ÿ
Iki Sanghyang Parama Wiṡeṣa, nga, patih amangku bhūmi. Sadāṡiwa ratu añakra warti. Paramaṡiwa brāhmaṇa ṡakti byuh ṡīṣya, ṡakti ring mrĕcapada sira, yan ring kadewatān, Ṥiwa Bhaṭāra Guru, Sadāṡiwa Bhaṭāra Indra, Paramaṡiwa Paramȇṣṭi Guru.
Iti Sanghyang Tiga Wiṡeṣa, nga, haywa wera, liwat ing uttama, pralīna ning ṡakti. Ṥiwa Sadāṡiwa, Paramaṡiwa, kawruhakĕna ikang ṡīṣya, nga, tryakṣara Sanghyang Ongkāra, Ang Ung Mang; Ang ring hati, Ung ring ampru, Mang ring papusuh. Yan ring jaba Ang api, Ung yeh, Mang angin. Mlĕkah ikang windu pinarah tiga, dado tribhuwana, ring sor pṛthiwī, ring luhur ākāṡa, ring Madhya Sanghyang Tutur Jāti, nga, dados Bhaṭāra Tiga, Bhaṭāra Brahmā, Bhaṭāra Wiṣṇu, Bhaṭāra Ṥiwa., dados sang Ongkāra, Ang Ung Mang. Yan mijil agni Ang, yan amijilakĕn bañu Ung, yan amijilakĕn angin Mang, dadya tri tinunggalakĕn, bāyu dadi ṡabda, ṡabda dadi iḍĕp, iḍĕp amor ing akeh, ikā, nga, guru, sĕkar tanalūm ngaranya waneh, dewatā ning panon rāditya, dewatā ning bāyu wulan, dewatā ning angĕn lintang. Rūpa ning ātma putih, rūpa ning pramāṇa abāng, rūpa ning ajñāna irĕng. Gĕnah ing Ṥiwâtma ring papusuh, gĕnah ing pramāṇa ring hati, gĕnah ing ajñāna ring ampru,
Iti kuṭanya Sanghyang Tri Ṥakti :
Ugra jagat guru pāduke bhyonamah swaha.
Iti Sanghyang Tri Mūrti, ātma rākṣa, haywa wera, pinghit tĕmĕn, ma, Om Ang Brahma namo catur muka, brahmāgni rakta warṇaṡca, sphaṭika warṇa dewatā, sarwa bhūṣaṇa raktakam, gaḍa astra mahā tīkṣṇa, ātma rākṣa nābhi sthānah, adyagni sūrya sphaṭika, sarwa ṡatru wināṡanam phad swaha. Om Ung namo Wiṣṇu tri mukanam, tri nayana catur bhuja, kṛṣṇa warṇa sphaṭikandhah, sarwa bhūṣaṇa nīlanam, cakra astra tīkṣṇa, ātma rākṣa sthānah amrĕtam jīwano dewa, sarwa ṡatru wināṡanam, phat swaha. Om Mang Iṡwara pañca mukanam, Iṡwaraṡca tri nayana, daṡa bhujam ṡweta warṇam, sphaṭika sarwa bhūṣaṇam, bajrostra mahā tīkṣṇa, ātma rākṣa kaṇṭa mūlya Iṡwara pakrĕti dewah, sarwa ṡatru wināṡanam phat swaha, Sa Ba Ta A I Na Ma Ṥi Wa Ya, A U M Om. Ang Ung Mang ring jaba A U M hati ampru papusuh, tiga ring jro ikā.
½ û ö
abāng ing ṡoca, irĕng ing ṡoca, tĕlĕng ing ṡoca, yan ngawĕtwang bāyu A U Ma, yan angulyang bāyu Ma U A, mañjing mĕḍal ring paramaṡiwa, ikā rumawak ing pasuk wĕtu.
Iki pangĕsöng sarwa upas, rehnya iḍĕp mĕtu agni saking untĕng, wit ning nābhi unggwakĕna ri wit ning lidah, iḍĕpan ngĕsöng upase, swara ning agni, Ang gĕsöng, 3, mangkana iḍĕp mĕtu mrĕta saking untĕng ning polo, mĕtu kacangkĕm, iḍĕp ngañudang mala pātakane kabeh, haywa mĕnga tutukta, amĕgĕng bāyunta den alon, ma, Ah, haywa wera tan siddhi phalanya.
Iti sāri ning weda pāraga ngaran, iḍĕpakĕna dewī giri putrī maka ḍasar angrākṣa ṡarīranta sapakurĕnan. Bhaṭāra Giri Nātha iḍĕp maka tutup ing ṡarīranta sapakurĕnan, ṡarīranta iḍĕpakĕna ri tĕngah ing windu ṡūnya, ma, Om inaskāra wākya jaya dlik (dluik?) swaha. Om adrima, 3. Mantrakĕna ping 3, mwah yan sira angañut daṡa malanta mwang ṡatrunta iḍĕp wĕtwakĕna ikang toya blabur saking ḍaḍa, mĕgĕng bāyu, ma, Bryung trang, 2, haywa wera. P U P U T
Iti Tutur Sanghyang Rājapeni, puput tinḍun mwah de Cakra ning Kṛṣṇa, ring rahina, Ṥukra Pahing Dungulan, Jyeṣṭha māsa, iṡaka, 1936. Masĕhi, 23 Mei 2014.
